Türkiyәnin Elazığ şәhәrindә baş vermiş 6,8 ballıq zәlzәlә nәticәsindә hәlak olanların sayı 40 nәfәrә çatıb.
Yeniləndi: ürkiyәnin Elazığ şәhәrindә cümә günü yerli vaxtla saat 20.55-dә baş vermiş 6,8 ballıq zәlzәlә nәticәsindә hәlak olanların sayı 40 nәfәrә çatıb. Rəsmi məlumata görə, 1 nəfərin dağıntılar altından çıxarılması davam edir.
Rasthaber Azərbaycan TRT-yə istinadən xəbər verir ki, Türkiyәnin Elazığ şәhәrindә cümә günü yerli vaxtla saat 20.55-dә baş vermiş 6,8 ballıq zәlzәlә nәticәsindә hәlak olanların sayı 39 nәfәrә çatıb.
Zәlzәlәdәn sonra başlanılan axtarış-xilasetmә әmәliyyatları davam etdirilir.
Fövqәladә Hallar vә Tәcili Yardım İdarәsi (AFAD) zәlzәlәdәn sonra xәstәxanaya yerlәşdirilәn 1607 nәfәrdәn 1515-nin vәziyyәtinin stabil olduğunu bildirib.
Digәr tәrәfdәn bölgәyә 23 mindәn çox çadır, 2 min 354 isidici vә 6 min 436 әrzaq bağlaması göndәrilib.
Türkiyәnin daxili işlәr naziri Süleyman Soylu, sәhiyyә naziri Fәxrәddin Koca, әtraf mühit vә şәhәrsalma naziri Murat Kurum, din işlәri üzrә idarәnin rәhbәri Әli Erbaş tәbii fәlakәtin baş verdiyi bölgәdә olublar.
Qeyd edәk ki, Cümhuriyyәt Xalq Partiyasının sәdri Kamal Kılıçdaroğlu Elazığda baş verәn zәlzәlә ilә әlaqәdar göstәrilәn hәmrәyliyi alqışlayıb.
‘‘Türk xalqı pis vә yaxşı gündә bәrabәr olduğunu göstәrdi’’,-deyә Kamal Kılıçdaroğlu söylәyib.
İYİ Partiyanın sәdri Meral Akşenәr dә Elazığda baş verәn zәlzәlәdәn sonra bölgәyә baş çәkib vә hәlak olanların ailәlәrinә sәbr dilәyib.
