Çinin kosmik şirkəti kosmosa turizm səfərləri həyata keçirməyə hazırlaşır.

Az.rasthaber.com xəbər verir ki, "Deep Blue Aerospace" adlı özəl şirkət bu kosmik səyahəti 2027-ci ildə həyata keçirməyi planlaşdırır.

Artıq səyahətin iki bileti də satılıb.

Qeyd edilib ki, səyahət təxminən 12 dəqiqə çəkəcək, sərnişinlər isə 5 dəqiqəyə yaxın müddətdə kosmosdakı çəkisizlik şəraitində olacaqlar.

Bir biletin qiyməti isə 210 min dollardır. Əlavə biletlərin də satılacağı gözlənilir.

Əsas uçuşdan öncə şirkət tərəfindən təhlükəsizlik tədbirləri üçün sınaq uçuşları icra ediləcək.

Kosmik gəmi kosmosa çatacaq, lakin aşağı orbitə çıxmayacaq.