Burkina Fasoda hərbi hissəyə hücum nəticəsində 33 əsgər həlak olub.

Az.rasthaber.com xəbər verir ki, ordudan verilən yazılı açıqlamada Qurma əyalətində yerləşən hərbi hissənin şəxsiyyəti məlum olmayan şəxslərin hücumuna məruz qaldığı açıqlanıb.

Açıqlamada qarşıdurmada 40 terrorçunun zərərsizləşdirildiyi, lakin 33 əsgərin həyatını itirdiyi, 12 əsgərin yaralandığı qeyd edilib.

Qeyd edək ki, Burkina Faso 2015-ci ildən bəri qonşu Malidə Əl-Qaidə və DEAŞ-a bağlı terror qruplarının hücumlarının hədəfi olub.