Suriya prezidenti Bəşər Əsəd Ərəb sammitində iştirak etmək üçün Səudiyyə Ərəbistanına gedəcək.
Az.rasthaber.com xəbər verir ki, Suriya prezidenti Bəşər Əsəd Ərəb sammitində iştirak etmək üçün Səudiyyə Ərəbistanına səfər edəcək.
Səfərin səbəbini Suriya Agentliyi belə açıqlayıb:
Sabah keçiriləcək sammitdə işğal olunmuş Fələstin ərazilərindəki vəziyyət və Qəzza zolağında misli görünməmiş humanitar böhran yaradan, hər gün yüzlərlə insanın ölümünə və yaralanmasına səbəb olan İsrail təcavüzü müzakirə olunacaq.
Mənbələr Səudiyyə Ərəbistanının paytaxtı Ər-Riyadda bir araya gələcək liderlərin İordan çayının qərb sahilindəki vəziyyəti və Qəzzadakı müharibəni müzakirə edəcəyini bildiriblər.
Şənbə günü Səudiyyə Ərəbistanında 22 ərəb ölkəsinin liderləri Fələstin ərazilərində davam edən gərginliklə mübarizə yollarını məsləhətləşmək, əlaqələndirmək və müzakirə etmək üçün Ərəb Liqası Şurasının fövqəladə rəhbərlik səviyyəsində iclasını çağırmaq üçün bir araya gələcək.
