Qəzzadakı vəziyyətin onlayn müzakirə olunduğu, BRİKS liderləri və BRİKS üzvlüyünə dəvət olunmuş ölkələrin liderlərinin iştirak etdiyi “Yaxın Şərqdəki vəziyyətlə bağlı fövqəladə birgə iclas” keçirilib.

Az.rasthaber.com xəbər verir ki, sammitin yekun bəyannaməsində əsir götürülən mülki şəxslərin azadlığa buraxılması çağırışı edilib, mülki şəxslərin beynəlxalq qanunlara uyğun olaraq qorunmasının vacibliyi vurğulanıb.

Bəyannamədə Qəzza xalqının bölgədən zorla çıxarılması və başqa ölkələrə göndərilməsi cəhdlərinin Cenevrə Konvensiyasının pozulması olduğu vurğulanıb və əlavə edilib: “Fələstinlilərin öz torpaqlarından kütləvi və ya fərdi şəkildə zorla çıxarılmasını pisləyirik”.

Bundan əlavə, Birləşmiş Millətlər Təşkilatının Baş Assambleyasının (BMT TŞ) müvafiq qərarı çərçivəsində humanitar yardıma davamlı, məhdudiyyətsiz, təcili və təhlükəsiz çıxışın təmin edilməsi zərurətinə və tərəflərin humanitar hüquq normalarına əməl etməsinin vacibliyinə diqqət çəkilib. 

Nəhayət, bəyannamədə İsrail-Fələstin probleminin yalnız sülh yolu ilə həll oluna biləcəyi qeyd edilib və müstəqil Fələstin Dövlətinin yaradılması və iki dövlətli həll üçün beynəlxalq ictimaiyyətin dəstəyi istənilib.