Bəni Əsəd Qadınlar Qrupu Kərbəlada hər il qeyd edilən mərasimi keçiriblər
"Bəni Əsəd Qadınlar Qrupu" Kərbəlada hər il qeyd edilən mərasimi bu il də keçiriblər.
Rasthaber Azərbaycan xəbər verir ki, Kərbəlada çox sayda qadın "Bəni Əsəd Qadınlar Qrupu"nun keçirdiyi mərasimə qatılaraq Aşuradan sonra baş vermiş hadisəni canlandırıblar.
Qeyd edək ki, Aşuradan sonra İmam Hüseyn (ə) və Kərbəlada şəhid olanların cəsədlərini dəfn etmək üçün Bəni Əsəd tayfasının qadınları öz kişilərinə müraciət etmiş, onlar isə bu müraciətə müsbət cavab verməmişlər. Bunu görən Bəni Əsəd tayfasının qadınları özləri əllərinə qəbir qazmaq üçün kürək alaraq qətliam meydanına gedirlər. Bu Bəni Əsəd tayfasının kişilərini ayıldır və onlar dəfn mərasimini öz boyunlarına götürürlər. Bu hadisə hər il simvolik olaraq Kərbəlada keçirilir.
