Birləşmiş Millətlər Təşkilatının (BMT) Fələstinli Qaçqınlara Yardım Agentliyi (UNRWA) İsrailin 7 aydır hücumlarını davam etdirdiyi Qəzza zolağında hər gün 37 uşağın analarını itirdiyini açıqlayıb.
Az.rasthaber.com xəbər verir ki, UNRWA-nın X sosial media hesabında edilən açıqlamada bildirilib:
"Qəzzada müharibə qadınlara qarşı müharibə olaraq davam edir".
Açıqlamada 7 oktyabr 2023-cü ildən İsrail ordusunun hücumuna məruz qalan Qəzzada 10 min qadının öldürüldüyü, 19 min qadının isə yaralandığı bildirilib: "Hər gün 37 uşaq anasını itirir".
Açıqlamada aşağıdakılar qeyd olunub:
"155,000-dən çox hamilə və ya süd verən qadının su və gigiyena təchizatına çox məhdud çıxışı olduğu üçün şərait dəhşətlidir."