UNRWA (Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyi) kommunikasiyalar üzrə direktoru Juliette Touma İsrailin təxliyə əmrlərindən sonra Qəzzada mövcud vəziyyəti dəyərləndirib.

Az.rasthaber.com xəbər verir ki, Touma, qarşıdurmalar davam edərsə, bütün fələstinli uşaq nəslinin təhlükə altında qalacağını, oktyabr ayından bu yana Qəzzada ən azı 600 min uşağın təhsildən məhrum olduğunu bildirib.

Touma qeyd edib ki, uşaqlar nə qədər uzun müddət məktəbdən kənarda qalırlarsa, onların geri qayıtmaları bir o qədər çətin olur və bu da onları uşaq əməyi və evlilik kimi risklərə qarşı həssas edir.