Beynəlxalq Amnistiya Təşkilatı İsrailin Qəzzanın şərqindəki kənd təsərrüfatı sahələrini və mülki binaları qanunsuz şəkildə dağıddığını və bu dağıntının hərbi cinayət çərçivəsində araşdırılmasının vacibliyini vurğulayıb.

Az.rasthaber.com xəbər verir ki, bu barədə Beynəlxalq Amnistiya Təşkilatının yaydığı bəyanatda bildirilib.

Beyanatda Beynəlxalq Amnistiya Təşkilatının Böhran Laboratoriyasının 2023-cü ilin oktyabrından 2024-cü ilin mayına qədər İsrail əsgərlərinin paylaşdığı peyk görüntülərini və videoları təhlil etdiyi qeyd olunub.

Bəzi videolarda İsrail əsgərlərinin arxa planda binalar dağılarkən şəkil çəkdirdiyi görüntilər əks olunub. İsrail ordusunun buldozerlər və əllə yerləşdirilmiş partlayıcılarla qanunsuz şəkildə kənd təsərrüfatı ərazilərini və mülki binaları dağıddığı qeyd olunub.