Balakən rayonunun Yeni Şərif kəndində baş verən silahlı insident nəticəsində 5 nəfər yaralanıb.
Balakən rayonunun Yeni Şərif kəndində baş verən silahlı insident nəticəsində 5 nəfər yaralanıb. Bu barədə Səhiyyə Nazirliyinin mətbuat xidmətindən məlumat verilib.
Yerli KİV-in məlumatına görə, ötən gün axşam saatlarında kənd sakini ailə üzvlərinə aətş açıb.
“İnsident nəticəsində 5 nəfər yaralanıb. Yaralılardan 34 yaşlı kişi reanimasiya şöbəsinə yerləşdirilib. İki qadın və 59 yaşlı kişinin müalicələri cərrahiyyə şöbəsində davam edir. 59 yaşlı kişinin vəziyyəti orta-ağır kimi qiymətləndirilir. 1 yaşlı körpə isə ilkin tibbi yardımdan sonra qohumlarına təhvil verilib”, - deyə məlumatda bildirilir.
Faktla bağlı Cinayət Məcəlləsinin 29, 120.2.4-cü maddələri ilə (qəsdən adam öldürməyə cəhd) cinayət işi başlanıb.