Bağdadın şərqində Daxili İşlər Nazirliyinin bina kompleksində yerləşən “Haşd əş-Şaabi”nin qərargahına hücum edilib.

Az.rasthaber.com xəbər verir ki, İraq mediasının məlumatına görə, Bağdadın şərqində Daxili İşlər Nazirliyinin bina kompleksində yerləşən Həşd əş-Şaabi qərargahına hücum edilib.

İraq təhlükəsizlik mənbəsi Reuters xəbər agentliyinə bildirib ki, partlayış nəticəsində 2 nəfər ölüb, 5 nəfər yaralanıb.

Əl-Cəzirə televiziyasına danışan Haşd əş-Şabidən olan bir mənbə də bu hücuma görə Amerikanın məsuliyyət daşıdığını bildirib.

Hücum zamanı yüksək rütbəli komandirlərdən biri El Hajj Abu Takavi və qrupun 12-ci briqada komandirinin şəhid olduğu bildirilib.

Hücumla bağlı açıqlanan detallara görə, hücum 3-ü eyni anda atılan 4 raketlə həyata keçirilib.

Hücumdan sonra İraq Milli Təhlükəsizlik Nazirlər Şurası bu gün baş nazir Məhəmməd Sudaninin sədrliyi ilə toplanacaq.