Azərbaycanda dünən Ermənistanın təxribatı nəticəsində şəhid olanlar torpağa tapşırılıb
Rasthaber Azərbaycan xəbər verir ki, Azərbaycan Ordusunun Ermənistanın hücumu nəticəsində şəhid olan əsgəri Xəyyam Daşdəmirov İsmayıllı rayonunun Balik kəndində dəfn edilib.
Az.shafaqna.com xəbər verir ki, Azərbaycanın İsmayıllı rayonu, Balik kənd sakini şəhid Daşdəmirov Xəyyam Məhəmməd oğlunun dəfn mərasimində rayon rəhbərliyi və digər dövlət qurumlarının rəsmiləri də iştirak edib.
Tovuz rayonu istiqamətində gedən döyüşlərdə şəhid olan Azərbaycan hərbçisi, çavuş Sadıqov Vüqar Lətif oğlu da son mənzilə yola salınıb.
Vüqar Sadıqov doğulduğu Ağstafa rayonu, Yuxarı Göycəli kəndində dəfn olunub.
Dəfn mərasimində Rayon İcra Hakimiyyətinin rəhbərliyi, hərbçilər və rayon ictimaiyyəti iştirak edib.
Ermənistanın təxribatı nəticəsində Azərbaycan Ordusunun şəhid olan baş leytenantı Mahmudov Rəşad Rəşid oğlunun nəşi də dəfn olunması üçün doğulduğu Biləsuvar rayonunun Aşağı Cürəli kəndinə aparılıb.
