Azərbaycanın Tehrandakı səfiri Əli Əlizadə Gilan əyalətinə səfəri çərçivəsində Ayətullah Xameneinin bu əyalət üzrə nümayəndəsi Ayətullah Rəsul Fəlahəti ilə görüşüb.
Az.rasthaber.com xəbər verir ki, bu barədə Əli Əlizadə rəsmi tvitter səhifəsində yazıb.
Həmçinin Azərbaycanın İrandakı Səfirliyinin tvitter səhifəsi məlumat yayaraq bildirib ki, səfir bu səfər çərçivəsində Gilan əyalətinin ostandarı Əsədulla Abbasi ilə görüşərək qarşılıqlı əlaqələri müzakirə edib.
Əlavə edilib ki, Azərbaycan Respublikasının İrandakı səfiri Gilan əyalətinə səfəri çərçivəsində Gilan ticarət, sənaye, mədən və kənd təsərrüfatı Palatasının prezidenti Hadi Tizhuş Taban və palatanın digər üzvləri ilə də görüşüb.
Qeyd edək ki, səfir bundan öncə Ərdəbil əyalətində səfərdə olub.
