İranın Ali lideri Ayətullah Xamenei və İraq Baş naziri Mustafa əl-Kazımi arasında görüş baş tutub.

Rasthaber xəbərinə görə, İran lideri bildirib ki, ölkəsi ABŞ hərbçilərinin general Qasim Süleymaniyə qarşı sui-qəsdini unutmayacaq və bunun cavabı veriləcək.

“Onlar sizin qonağınızı sizin evinizdəcə öldürdülər və açıq şəkildə bunu etiraf etdilər, bu isə, zarafat deyil. İran İslam Respublikası şəhid Qasim Süleymaninin qətlini heç zaman unutmayacaq və şübhəsiz, amerikalılara cavab zərbəsi endirəcək”, – deyə Ayətullah Xamenei qeyd edib.