Az.Rasthaber.com xəbər verir ki, Aİ illərlə davam edən çıxılmaz vəziyyətdən sonra yeni köç və sığınacaq qaydaları haqqında razılığa gəlib.
Aİ illərlə davam edən çıxılmaz vəziyyətdən sonra yeni köç və sığınacaq qaydaları haqqında razılığa gəlib
Avropa İttifaqı (Aİ) üzv dövlətlər arasında ən mübahisəli məsələlərdən biri olan birgə köç və sığınacaq qaydaları ilə bağlı uzun illərdir davam edən çıxılmaz vəziyyətdən sonra razılığa gəlib.
Aİ-yə sədrlik edən İsveçin miqrasiya naziri Maria Malmer Stenerqard və Aİ Komissiyasının daxili işlər üzrə məsul üzvü Ylva Yohansson Aİ daxili işlər nazirlərinin görüşündən sonra mətbuata açıqlamalar verib.
"Bu gün uzun illər davam edən danışıqlardan sonra biz tarixi addım atdıq", - Stenerqard bildirib.
Stenerqard "Qurduğumuz məcburi həmrəylik mexanizmi miqrasiya təzyiqinə ən çox məruz qalan üzv dövlətlərə dəstək verəcək. Üzv dövlətlər müxtəlif həmrəylik töhfələri arasında seçim etmək imkanı əldə edəcəklər" deyib.
Bu töhfələri izah edən isveçli nazir sığınacaq axtaranları qəbul etməyən üzv ölkələrin ev sahibi ölkələrə adambaşına 20 min avro ödəyəcəklərini, ilk mərhələdə maksimum 30 min sığınacaq axtaran şəxsin qəbul ediləcəyini və sığınacaq axtaran şəxsin müraciətinin qiymətləndirilməsi üçün limit 6 ay olacaq.
İsveçli nazir bildirib ki, yalnız Polşa və Macarıstan razılaşmaya etiraz edib, qalan 25 üzv lazım olan səs çoxluğunu təmin edib.
Yeni qanunvericiliyin qüvvəyə mindikdən sonra bütün üzv dövlətlər üçün qüvvədə olacağına diqqət çəkən Aİ Komissiyasının daxili işlərdən məsul üzvü Yohansson da “Nəticədə qanunun tətbiqini təmin edəcək, müqavilənin qoruyucusu olan qurum Komissiyadır. Bunun baş verməsini təmin etmək üçün bəzi xüsusi tədbirlər də yaradılmışdır" deyib.
Qeyd edək ki, 2015-ci ildəki miqrasiya böhranından bəri Aİ sığınacaq axtaranların üzv dövlətlər arasında necə bölüşdürülməsi və sığınacaq müraciətləri rədd edilənlərin geri qaytarılması ilə bağlı həll yolları axtarır. Aİ Komissiyasının bu məqsədlə hazırladığı “miqrasiya və sığınacaq paketi” üzv dövlətlərin fərqli yanaşmaları səbəbindən qəbul edilə bilməyib.
