Bu haqda İranın İnqilab Keşikçiləri Korpusunun Hava Qüvvələri komandanı general Əmir Əli Hacızadə açıqlama verib
Rasthaber Azərbaycan xəbər verir ki, İranın İnqilab Keşikçiləri Korpusunun Hava Qüvvələri komandanı general Əmir Əli Hacızadə ABŞ-ın bölgədə istifadə etdiyi 4 hərbi bazanın 3 yanvarda Bağdad Hava Limanında general Qasim Süleymaninin da aralarında olduğu 10 nəfərin qətlə yetirilməsilə əlaqəli olduğunu bildirib.
Hücum baş verdiyi gecə ABŞ-ın bölgədəki bazalarından ağır silah-sursat daşıyan təyyarələrin qalxdığını izlədiklərini önə çəkən Hacızadə, “Xüsusilə Küveytdəki Ali al Salem Hava bazasından qalxan MQ-9 tipli pilotsuz uçan aparatları (hücum zamanı) bölgə üzərində varıydı.”, -deyə qeyd edib.
“Vertolyotlar da İraqdakı ABŞ-ın Taci və Ayn al Asad bazasından qalxdı.”, - deyə Hacızadə bildirib.
ABŞ-ın hücumlarında İraqdakı bazaları da istifadə etdiyini önə çəkən Hacızadə sözlərinə belə davam edib: “Vertolyotlar İraqdakı ABŞ-ın Taci və Ayn al Asad bazasından qalxanda izləyirdik, amma nə edəcəklərini, hədəflərini bilmirdik.”
General, hücum zamanı ABŞ-a aid bir F-15 qırıcısının Bağdad Hava Limanı yaxınlığında olduğunu bildirərək “Bizim araşdırmalarımıza görə, ən azı 4 ABŞ bazası bu hücumda istifadə edildi.”, -deyib.
