İran Silahlı Qüvvələri Ali Baş Komandanının köməkçisi və baş müşaviri deyib ki, Amerikanın dünyada və bölgədəki siyasi və hərbi qüdrətinin tənəzzülü dövrü gəlib çatıb

Rasthaber Azərbaycan İran mediasına istinadən xəbər verir ki, İran Silahlı Qüvvələri Ali Baş Komandanının köməkçisi və baş müşaviri General-mayor pasdar Seyid Yəhya Rəhim Səfəvi dünən bir tvitter qeydində və Amerikanın terrorçu ordusunun İraqdakı qanunsuz və iştirakının davam etməsinə reaksiyada yazıb: "Amerikanın hökuməti beynəlxalq müahidələr və qanunlara sədaqətə münasibətinə aydınlıq gətirməlidir."

"İraq parlamenti ötən milad ilinin sonlarında qəbul etdiyi bir qərarda terrorçu amerikan qüvvələrin İraq torpağından çıxmalarını tələb etdi ki, bu hərbçilərin həmin qərardan sonra İraqdakı iştiraklarının davam etməsi İraqın suverenliyinin pozulmasının təzahürüdür", -deyə Səfəvi əlavə edib.

İran Silahlı Qüvvələri Ali Baş Komandanının köməkçisi sözlərinin davamında deyib: "Əgər Amerikanın hökuməti beynəlxalq müahidələr və qanunlara sadiq deyildirsə, onda İraq ərazisindəki qanunsuz iştirakı və bu ölkə ərazisinin işğalınının əvəzini ödəməlidir. İraqın xalqı, dövləti və ordusunun Amerikanın avantüraları və şər hərəkətləri qarşısındakı qanuni müdafiəsi qaçılmazdır."