Suriyanın şimal-şərqindəki “Kariyetul Hadra” bölgəsindəki ABŞ hərbi bazasına hücum edildiyi açıqlanıb.
Az.rasthaber.com xəbər verir ki, Livanda yerləşən “Al Mayadeen” televiziyasının məlumatına görə, Suriyanın şimal-şərqindəki “Kariyetul Hadra” bölgəsində ABŞ hərbi bazasına pilotsuz uçuş aparatı (PUA) ilə hücum təşkil edilib.
Hücumda hər hansı itki olub-olmadığı hələlik məlum deyil.
Bu aksiya HƏMAS-ın yüksək rütbəli siması Salih əl-Arurinin Beyrutda öldürülməsindən bir neçə saat sonra baş verib.
İraq Hizbullahı sionist İsrailin Saleh əl-Arurini qətlə yetirməsinə reaksiya verərək, sionistlərlə mübarizənin davam etdiyini vurğulayıb.
Livanın paytaxtı Beyrutda Həmas ofisinə dünən axşam saatlarında pilotsuz təyyarə ilə həyata keçirilən terror hücumunda Arurinin şəhid olduğu bildirilib.
