İsrail və Livan Hizbullahı arasında 33 günlük müharibənin başlamasından 14 il keçir
Rasthaber Azərbaycan xəbər verir ki, "33 günlük müharibə" adını almış İsrail-"Hizbullah" müharibəsi 2006-cı ilin 12 iyul-14 avqust tarixlərində İsrailin Livan torpaqlarına hücumu ilə başlayıb.
Həmin ilin iyul ayında İsrail Müdafiə Qüvvələri Livan torpaqlarına qurudan, havadan və dənizdən genişmiqyaslı hücuma başlayıb. Livanın bütün dəniz limanları İsrailin hərbi donanması tərəfindən mühasirəyə alınıb. Livanın "Hizbullah" hərəkatının hərbi qanadı işğalçı qüvvələrə qarşı müxtəlif mövqelərdən raket hücumlarına başlayıb. "Hizbullah"ın görünməmiş müqavimət və kəşfiyyat manevrləri, qəfil hücum əməliyyatları İsraili öz məqsədinə çatmadan müharibəni dayandırmağa məcbur edib. İsrail Müdafiə Qüvvələri hər üç cəbhədə məğlubiyyətlə üzləşdiyini etiraf edib.
