“The Telegraph”: İran daha güclü mövqedədir
Britaniyanın “The Telegraph” qəzeti ABŞ Prezidenti Donald Tramp və İsrailin Baş naziri Benyamin Netanyahunun İranı zəiflətmək və ya siyasi sistemini dəyişmək məqsədi daşıyan strategiyasının uğursuzluğa düçar olduğunu bildirib.
Qəzetin təhlilinə görə, müharibənin yekun mənzərəsi ABŞ və İsrail üçün uğursuz, İran üçün isə siyasi və geosiyasi baxımdan üstün nəticə ilə başa çatıb.
Hörmüz razılaşması Tehranın mövqeyini gücləndirib
Nəşr qeyd edir ki, İran ilə Oman arasında Hörmüz boğazı ilə bağlı əldə olunması gözlənilən razılaşma Tehranın münaqişədən əvvəlkindən daha güclü çıxdığını göstərən əsas amillərdən biridir.
Məqalədə vurğulanır ki, İranın regional nüfuzunun genişlənməsi qarşıdurmanın ən mühüm nəticələrindən biri hesab olunur.
ABŞ-nin qlobal nüfuzu zəifləyə bilər
“The Telegraph” yazır ki, bu qarşıdurma ABŞ-nin beynəlxalq təsir gücünün azalmasının dönüş nöqtəsinə çevrilə bilər.
Qəzetin fikrincə, Vaşinqtonun hərbi və siyasi hədəflərinə nail ola bilməməsi gələcəkdə ABŞ-nin qlobal liderlik mövqeyinə mənfi təsir göstərə bilər.
“Financial Times” da Tramp administrasiyasına diqqət çəkib
Eyni mövzuda təhlil dərc edən “Financial Times” qəzeti isə Donald Trampın İranla qarşıdurmanı yenidən genişləndirməsinin aydın qələbə vəd etmədiyini bildirib.
Nəşr hesab edir ki, müharibənin davam etməsi Tramp administrasiyası üçün siyasi, iqtisadi və diplomatik yükü daha da artırır. Xüsusilə payızda keçiriləcək Konqresə aralıq seçkiləri ərəfəsində yaranan vəziyyətin Ağ Ev üçün əlavə risklər doğura biləcəyi vurğulanıb.
