Azərbaycan millisi Litva ilə bacarmadı
Azərbaycan milli komandası UEFA Millətlər Liqasının yeni mövsümündə ilk oyununa çıxıb. Ayxan Abbasovun rəhbərlik etdiyi yığma səfərdə Litva millisi ilə qarşılaşıb.
Darius və Girenas stadionunda keçirilən görüş 1:1 hesablı heç-heçə ilə yekunlaşıb. Beləliklə, Azərbaycan millisi turnirin yeni mövsümündə ilk qarşılaşmasından bir xalla ayrılıb.
Oyunun başlanğıcı millimiz üçün uğurlu olmayıb. Meydan sahibləri artıq ilk dəqiqələrdən Azərbaycan yığmasının qapısı qarşısında təhlükə yaratmağa çalışıblar və erkən qol vurmağa nail olublar.
Litva penaltidən hesabı açdı
Qarşılaşmanın 9-cu dəqiqəsində Litva yığması penalti zərbəsi yerinə yetirmək hüququ qazanıb. Meydan sahiblərinin futbolçusu Armandas Kuçis fürsətdən dəqiq istifadə edərək komandasını hesabda önə çıxarıb – 1:0.
Buraxılan erkən qol Azərbaycan millisinin oyun planına təsir etsə də, yığmamızın cavabı özünü çox gözlətməyib.
Cəmi beş dəqiqə sonra Azərbaycan millisi hesabı bərabərləşdirib.
