“İran raketləri dayanmır”
Sionist rejimin “Kanal 12” telekanalının müxbiri bildirib ki, İranın raket hücumları davam edir və ölkədə bir il əvvəl başlayan gərginlik fonunda vəziyyət dəyişməyib.
O qeyd edib ki, ölənlər, yaralananlar və dağıntılara baxmayaraq Fələstinin şimal bölgələrində yaşayan insanlar hələ də müharibə şəraitində yaşayırlar.
Müxbir açıqlamasında “heç bir çəkindiricilik qalmayıb” ifadəsini işlədib.
“Tehran ABŞ və sionist rejimi zəif görür”
“İsrael Hayom” qəzetinin məlumatına görə, Knessetin Xarici Əlaqələr və Təhlükəsizlik Komissiyasının üzvü Amit Halevi İranın son hücumlarının səbəbini ABŞ və İsrailin zəifləməsi ilə əlaqələndirib.
Onun sözlərinə görə, Tehran bölgədə gündəmi özü müəyyən edə biləcəyini düşünür.
“Daha sərt cavab verilməlidir”
Halevi bildirib ki, İsrailin cavabı məhdud və “proporsional” olmamalıdır. O, genişmiqyaslı və intensiv hərbi əməliyyatların yenidən başlanmasını təklif edib.
İsrailli deputatın fikrincə, əks halda İran İnqilab Keşikçiləri bölgədə hücum və cavab ritmini öz istədiyi şəkildə formalaşdıracaq.
İran raket hücumları gərginliyi artırdı
İran bazar günü İsrailə bir neçə dalğa ilə raket hücumu həyata keçirib. Tehran bu addımın Beyrutun cənubuna edilən hücuma cavab olduğunu bildirib.
Son hadisələr Yaxın Şərqdə gərginliyi daha da yüksəldib və regionda genişmiqyaslı qarşıdurma ehtimalını artırıb.
