Livan Ordusu hərbçinin həlak olduğunu açıqladı
Livan Ordusu şənbə günü yaydığı bəyanatda Nəbətiyyə bölgəsinin Kfərrəman ərazisində həyata keçirilən sionist rejimin hava zərbəsi nəticəsində bir hərbçinin həlak olduğunu bildirib.
- Livan Ordusu hərbçinin həlak olduğunu açıqladı
- “Hücumlar sabitliyin qarşısını almağa yönəlib”
- Rəsmi Beyrutdan sərt bəyanat
- Cənub bölgələrində hücumlar davam edir
- Nəbətiyyə və Sur ətrafında zərbələr
- Bəqaa bölgəsi də hədəfə alınıb
- Atəşkəs çağırışlarına baxmayaraq gərginlik sürür
- Vaşinqtonda yeni danışıqlar gözlənilir
- Cozef Aun və Marko Rubio vəziyyəti müzakirə edib
Ordunun açıqlamasına görə, hücum zamanı hərbçi xidməti vəzifəsini yerinə yetirirdi.
“Hücumlar sabitliyin qarşısını almağa yönəlib”
Rəsmi Beyrutdan sərt bəyanat
Livan Ordusu bəyan edib ki, İsrailin davam edən hərbi əməliyyatları ölkədə sabitliyin bərpasına və vəziyyətin normallaşdırılmasına yönəlmiş səyləri çətinləşdirir.
Açıqlamada vurğulanıb ki, son aylarda həm cənub bölgələrində, həm də Bəqaa vadisində bir sıra hərbi və mülki hədəflər hücumlara məruz qalıb.
Cənub bölgələrində hücumlar davam edir
Nəbətiyyə və Sur ətrafında zərbələr
Məlumatlara görə, gün ərzində Nəbətiyyə, Nəbətiyyə əl-Fovqa, Kfərcoz, Duveyr, Kfərtəbnit və digər yaşayış məntəqələri hava hücumlarının hədəfi olub.
Eyni zamanda Sur bölgəsinə bağlı Bariş və Şəhur qəsəbələri yaxınlığında da zərbələrin endirildiyi bildirilib.
Bəqaa bölgəsi də hədəfə alınıb
İsrail aviasiyasının Qərbi Bəqaa bölgəsində yerləşən Səhmər qəsəbəsi ətrafına da hücumlar təşkil etdiyi qeyd olunur.
Atəşkəs çağırışlarına baxmayaraq gərginlik sürür
Bölgədə atəşkəsin qüvvəyə mindiyi barədə məlumatların yayılmasına baxmayaraq, qarşılıqlı ittihamlar və hərbi əməliyyatlar davam edir.
Livan rəsmiləri son hadisələrin ölkədə təhlükəsizlik vəziyyətini daha da mürəkkəbləşdirdiyini bildirirlər.
Vaşinqtonda yeni danışıqlar gözlənilir
Cozef Aun və Marko Rubio vəziyyəti müzakirə edib
Livan Prezidenti Jozef Aun ABŞ dövlət katibi Marko Rubio ilə telefon danışığı aparıb.
Tərəflər Livandakı və regiondakı son vəziyyəti müzakirə ediblər. Aun bildirib ki, atəşkəsin qorunması gələn həftə Vaşinqtonda keçirilməsi planlaşdırılan Livan–ABŞ–İsrail danışıqları üçün əsas şərtlərdən biridir.
