ABŞ bazalarına son günlər hücum edilmədiyi bildirilib
İraqdakı İslam Müqaviməti yaydığı bəyanatda son günlər ölkədə və regionda yerləşən ABŞ hərbi bazaları və maraqlarına qarşı heç bir hərbi əməliyyat həyata keçirmədiyini açıqlayıb.
Bəyanatda qeyd olunub ki, təşkilatın adı ilə yayılan bəzi məlumatlar həqiqəti əks etdirmir.
ABŞ-a sərt xəbərdarlıq
İraqdakı İslam Müqaviməti bildirib ki, ABŞ İrana qarşı hərbi əməliyyatlarını genişləndirəcəyi halda, təşkilat birbaşa müharibəyə qoşulacaq.
Bəyanata əsasən, belə bir vəziyyətdə İraq və regiondakı bütün ABŞ hərbi bazaları və maraqları hədəfə alınacaq.
Gərginlik regionda artır
Son günlər İranın Körfəz ölkələri, İordaniya və Suriyada yerləşən ABŞ hərbi bazaları və maraqlarına qarşı əməliyyatlar həyata keçirdiyi barədə məlumatlar yayılıb.
Bununla yanaşı, İraq Kürdüstan Regional İdarəsində fəaliyyət göstərən silahlı qruplaşmalara aid mövqelərin də hədəfə alındığı bildirilir.
Regionda ABŞ ilə İran arasında gərginliyin artması fonunda təhlükəsizlik vəziyyəti diqqətlə izlənilir.
