CENTCOM itkiləri təsdiqlədi
ABŞ Mərkəzi Komandanlığı (CENTCOM) İranın son hücumlarından sonra İraq və İordaniyada ABŞ hərbçiləri arasında ölən və yaralananların olduğunu açıqlayıb.
Məlumata görə, İraqın şimalında iyulun 18-də kamikadze pilotsuz uçuş aparatının zərərsizləşdirilməsi zamanı bir ABŞ hərbçisi həlak olub, daha bir hərbçi isə yaralanıb.
İordaniyada itkin hərbçinin qalıqları tapılıb
CENTCOM İordaniyada yerləşən Müvəffəq əl-Səlti (Əzraq) aviabazasına edilən hücumdan sonra itkin düşən ABŞ hərbçisinə aid olduğu ehtimal edilən naməlum insan qalıqlarının aşkarlandığını da bildirib.
ABŞ bundan əvvəl həmin bazaya hücum nəticəsində iki hərbçisinin öldüyünü, üçüncü hərbçinin isə itkin düşdüyünü açıqlamışdı.
Bununla yanaşı, daha dörd yaralı ABŞ hərbçisinin müalicə üçün İordaniyadakı xəstəxanalara yerləşdirildiyi bildirilib.
İran hücumun nəticələrini açıqlayıb
İran İslam İnqilabı Keşikçiləri Korpusu iyulun 18-də yaydığı bəyanatda İordaniyada yerləşən ABŞ hərbi obyektlərinə iki mərhələdə ballistik raketlər və çoxsaylı pilotsuz uçuş aparatları ilə zərbələr endirdiyini açıqlayıb.
Bəyanata görə, hücum nəticəsində ABŞ-a məxsus yanacaqdaşıyan və döyüş təyyarələrinin bir hissəsi məhv edilib, digər hava vasitələrinə isə ciddi ziyan dəyib.
İran bildirib ki, əməliyyat ABŞ-ın İordaniyadakı bazalardan istifadə etməklə Bəndər-Abbasda körpülərə, yaşayış məhəllələrinə və su təchizatı infrastrukturuna endirdiyi zərbələrə cavab olaraq həyata keçirilib.
