Müharibənin üç əsas uğursuzluğu
Sionist rejim “Haarеts” qəzetində hərbi analitik Amir Oren İranla müharibənin nəticələrini qiymətləndirərək ciddi uğursuzluqları açıqlayıb.
Onun sözlərinə görə, bu uğursuzluğun üç əsas göstəricisi var: İran rejiminin devrilməməsi, zənginləşdirilmiş uranın məhv edilməməsi və Hörmüz boğazının açılmaması.
Analitik qeyd edir ki, bu üç əsas məqsəd yerinə yetirilməyib və qalan izahlar sadəcə bəhanə xarakteri daşıyır.
“Sistem dağıdılmadı, proqram qalır”
Oren yazır ki, İran sistemi möhkəm qaldı və nüvə proqramı fəaliyyətini davam etdirir. Bu isə müharibənin əsas məqsədlərinin iflasa uğradığını göstərir.
Eyni zamanda, ABŞ və sionist rejim planlarının əksinə olaraq, Hörmüz boğazının bağlanması Vaşinqtonu çaşqın vəziyyətə salıb.
Hərbi üstünlük nəticə vermədi
Analitik bildirir ki, sionist rejim Hərbi Hava Qüvvələrinin müəyyən uğurları olsa da, bu, strateji nəticəyə çevrilməyib.
Onun fikrincə, müharibədə qalibiyyət dağıdılan texnika və ya itkilərin sayı ilə deyil, əsas məqsədlərin həyata keçməsi ilə ölçülür.
Ən böyük zərbə daxili cəbhəyə
Məqalədə vurğulanır ki, ən ciddi zərbə sionist rejim daxili cəbhəsinə dəyib. Cəmiyyət və mülki infrastruktur ciddi təzyiq altında qalıb.
Bundan əlavə, ABŞ daxilində də siyasi və ictimai dəstək zəifləyib ki, bu da sionist rejim üçün strateji dərinliyin sarsılması kimi qiymətləndirilir.
Yanlış hesablamalar müharibəni uduzdurdu
Orenə görə, müharibənin uğursuzluğunun əsas səbəblərindən biri yanlış qiymətləndirmələr olub.
İranın mümkün addımları – xüsusilə Hörmüz boğazını bağlaması – əvvəlcədən nəzərdən keçirilsə də, ciddi qəbul edilməyib.
Bu isə “təxmin” və “hazırlıq” arasında ciddi boşluq yaradıb.
Tramp və Netanyahunun qərarları tənqid olunur
Analitik ABŞ prezidenti Donald Trampın qərarlarını “instinktiv” adlandıraraq onun rasional qiymətləndirmə aparmadığını qeyd edib.
Netanyahunun isə qərarlarında siyasi və şəxsi maraqların rol oynadığı vurğulanır.
İran hesabları alt-üst etdi
Məqalədə qeyd olunur ki, İran qərb baxışına görə “məntiqsiz” görünən addımlar ataraq ABŞ və sionist rejim planlarını pozdu.
Bu isə qarşı tərəfin strategiyasını iflasa uğratdı və müharibənin gedişini dəyişdi.
