Musəvi yeni açıqlama verdi
İran İnqilab Keşikçiləri Korpusunun Hərbi-Hava Qüvvələrinin komandanı, briqada generalı Məcid Musəvi bildirib ki, İranın hədəfli zərbələri ölkənin cənub sahillərində və Hörmüz boğazında vəziyyət sabitləşənədək davam edəcək.
Onun sözlərinə görə, İranın bütün ərazisi vahid mövqedən çıxış edir və ölkənin hər bir bölgəsi eyni məqsəd uğrunda fəaliyyət göstərir.
ABŞ-ın hücumlarından sonra açıqlama verildi
Musəvinin bəyanatı ABŞ-ın cümə günü səhər saatlarında İranın cənub bölgələrində hava limanı, dəmir yolu stansiyası və iki körpünü hədəfə alan hücumundan sonra səsləndirilib.
İran mediasının məlumatına görə, hücum nəticəsində üç nəfər həlak olub.
İran cavab əməliyyatları keçirdiyini açıqladı
İran tərəfi ABŞ hücumuna cavab olaraq İnqilab Keşikçiləri Korpusunun Qətərdəki “Əl-Üdeyd”, İordaniyadakı “Əl-Əzraq” və Suriyanın Ət-Tanf bölgəsində yerləşən ABŞ hərbi obyektlərinə zərbələr endirdiyini bildirib.
Bununla yanaşı, İran ordusu Bəhreyndəki “Əs-Səxir” bazasının və Küveytdə yerləşən ABŞ qüvvələrinin mövqelərinin də hədəfə alındığını açıqlayıb.
ABŞ-a sərt xəbərdarlıq
İnqilab Keşikçiləri Korpusu ABŞ-a və bölgədə onun hərbi bazalarına ev sahibliyi edən ölkələrə xəbərdarlıq edərək bildirib ki, qırmızı xətlərin keçilməsi, mülki şəxslərə və qeyri-hərbi infrastruktura hücumlar ağır və uzunmüddətli nəticələr doğuracaq.
Qeyd edək ki, son günlər ABŞ-ın İranın cənub bölgələrinə hücumları davam edir. Tehran isə buna cavab olaraq bölgədəki ABŞ-a məxsus hərbi bazaları və strateji obyektləri hədəfə aldığını açıqlayır.
