Əraqçi Cozef Auna cavab verdi
İranın xarici işlər naziri Abbas Əraqçi Livan prezidenti Cozef Aunun İranı “Livanı ABŞ-la danışıqlarda bazarlıq vasitəsi kimi istifadə etməkdə” ittiham etməsinə cavab verib.
Əraqçi “X” sosial şəbəkəsində paylaşdığı açıqlamada bildirib:
“Əgər Livan İran üçün bazarlıq kartı olsaydı, biz çoxdan razılığa gəlmişdik.”
İranlı nazir əlavə edib:
“Cənab prezident, Livanı həqiqi düşməninizdən xilas edin.”
“İran deyil, İşğalçı İsrail Livanı Dağıdır”
Əraqçi bəyanatında sionist rejimi Livandakı vəziyyətə görə məsul tutub.
O qeyd edib ki, Aunun açıqlamalarına baxanda belə təəssürat yaranır ki:
- guya Livanın bir hissəsini İran işğal edib;
- milyonlarla livanlını İran didərgin salıb;
- Livanı hər gün İran bombalayır.
Nazir vurğulayıb ki, reallıqda bunları edən sionist rejimdir.
Cozef Aun nə demişdi?
Livan prezidenti Cozef Aun daha əvvəl İranın Livanı regional danışıqlarda “təzyiq vasitəsi” kimi istifadə etdiyini demişdi.
Aun bildirib:
“Bu sizin ölkəniz deyil, bizim ölkəmizdir.”
O həmçinin Livanın böhrandan çıxış yolunun diplomatiya olduğunu vurğulamışdı.
Tehran: “Livanla taleyimiz eynidir”
Abbas Əraqçi bundan əvvəl də İranın Livanın daxili işlərinə qarışmadığını açıqlamışdı.
Müsahibəsində bildirmişdi ki:
- Sionist rejimin hücumları İran və Livanın taleyini birləşdirib;
- Regiondakı müharibə bütün müqavimət cəbhələrini əhatə edir;
- İran üçün Livandakı vəziyyət ayrıca məsələ deyil.
Atəşkəs məsələsində Livan şərti
Tehran Vaşinqtonla aparılan danışıqlarda:
- İran üçün atəşkəsin;
- Livanda da tam atəşkəslə paralel olmasını
əsas şərtlərdən biri kimi təqdim edir.
İran tərəfi bildirir ki, bölgədəki bütün cəbhələrdə müharibə dayanmalıdır.
Livanda hücumlar davam edir
Bu arada sionist rejim ordusunun Livana hücumları davam edir.
Son günlər:
- cənub bölgələri;
- yaşayış məntəqələri;
- təcili yardım maşınları
hədəfə alınıb.
Hizbullah isə sionist rejimqüvvələrinə qarşı əməliyyatlarını davam etdirdiyini açıqlayıb.
Hərəkat bildirir ki, hücumlar Livanı və ölkə xalqını müdafiə etmək məqsədi daşıyır.
