Mossad–münafiqlər əməkdaşlığı ifşa edildi
Avqust ayında sionistlərə məxsus Times of İsrail qəzeti diqqət çəkən bir reportaj dərc edib. Həmin yazıda bildirilirdi ki, Münafiqlər təşkilatı (Xalq Mücahidləri) illərdir Mossad tərəfindən maliyyə, silah və təlim dəstəyi ilə idarə olunur.
Qəzet açıq şəkildə qeyd edib ki, İsrail kəşfiyyatı münafiqlərdən İran daxilində sabotaj əməliyyatlarında “xüsusi sahə qüvvəsi” kimi istifadə edib. Bu etiraf, münafiqlərin xarici güclərin əlində bir alət olduğunu göstərən sənədləri bir daha təsdiqləmiş oldu.
Yazının silinməsi şübhə yaratdı
Ancaq az sonra həmin məqalənin qəzetin saytından silinməsi böyük mübahisələr doğurdu. Analitiklərə görə, yazının çıxarılması:
-
Münafiqlərin daha da ifşa olunacağından qorxduqlarını göstərdi.
-
İsrail və münafiqlər arasındakı yaxın əlaqələrin artıq gizlədilə bilməyəcək dərəcədə aşkar olduğunu təsdiqlədi.
Müşahidəçilər bildirirlər ki, bu addım, münafiqlərin yalnız İran xalqı arasında deyil, beynəlxalq aləmdə də “etibarsız və satılmış” qrup kimi tanınmasından narahat olduqlarını sübut edir.
Tarixi xəyanətlər xatırladıldı
Münafiqlərin sionistlərlə yaxın əlaqələrinin ifşası, onların keçmişdəki cinayətlərini də bir daha gündəmə gətirib. Qeyd olunur ki, bu qrupun 17 mindən çox iranlının qətlində əli olub və hər zaman xarici güclərin diktəsi ilə hərəkət edib.
Ekspertlərin fikrincə, Tayms of İsrail-in yazısının silinməsi, əslində, həqiqətin üzə çıxmasına mane ola bilməyib, əksinə, münafiqlərin “xarici güclərin muzdlu dəstəsi” olduğu faktını bir daha möhkəmləndirib.
