Xiyamda geri çəkilmə iddiası
Livanın “İslami Müqavimət” qüvvələri sionist rejim ordusunun Xiyam şəhərindən geri çəkildiyini açıqlayıb. Bildirilib ki, İsrail qüvvələri toqquşmalardan sonra texnika və şəxsi heyətini Həmamis təpəsinə doğru çıxarmağa məcbur olub.
Müqavimət tərəfi hadisələrlə bağlı daha ətraflı hesabatın açıqlanacağını bəyan edib.
əd-Dəhayrə istiqamətində toqquşma
Açıqlamada qeyd olunub ki, ötən gecə saat 23:20 radələrində sionist rejim ordusuna məxsus birləşmələr əd-Dəhayrə qəsəbəsi istiqamətində irəliləməyə cəhd göstərib. Müqavimət qüvvələrinin birbaşa atışmaya girdiyi və qarşı tərəfin itki verdiyi bildirilir
Toqquşmaların bir müddət davam etdiyi bildirilib.
“Ein Zeitim” bazasına PUA hücumu
Müqavimət İsrailin şimalında, Səfəd şəhəri yaxınlığında yerləşən Ein Zeitim bazasının kamikadze tipli pilotsuz uçuş aparatları ilə hədəf alındığını açıqlayıb.
Həmçinin, Əkka şəhəri cənubunda yerləşən Rafael Advanced Defense Systems hərbi sənaye kompleksinin də PUA-larla vurulduğu bildirilib.
Əvvəlki zərbələr
Bundan əvvəl müqavimət qüvvələri Xiyamın Vadi əl-Əsafir ərazisində sionist hərbi qüvvələrini raket atəşi ilə hədəf aldıqlarını açıqlamışdılar.
Müqavimət əməliyyatların Livanın müxtəlif şəhər və qəsəbələrinə, o cümlədən Beyrutun cənub ətrafına endirilən zərbələrə cavab olduğunu bildirir.
Rəsmi reaksiya gözlənilir
İsrail ordusu hələlik sözügedən iddialarla bağlı rəsmi açıqlama yaymayıb. Regionda hərbi qarşıdurma və qarşılıqlı hücumlar davam edir.
