26.03.2022 11:00:34
Yəmən ordusunun əməliyyatlarından sonra, Ciddədəki Aramco obyektində dəhşətli yanğın olduğu bildirilir.
Az.rasthaber.com xəbər verir ki, bəzi mənbələrin verdiyi məlumata görə: “Ciddədəki Aramco zavodunun tamamilə yandığı və yanğının dəhşətli şəkildə davam etdiyi barədə məlumat var. Daxil olan məlumata görə, çən və yanacaq anbarlarında baş verən yanğınlar bütün obyekti məhv edib".
Məlumatda həmçinin bildirilib:
"Səna Ciddənin başındakı Aramco-nun mühüm obyektlərini məhv etmək niyyətini təsdiqləyib. Mühasirə yaxın günlərdə də davam edərsə, Səna Səudiyyə Ərəbistanının həyati əhəmiyyətli bölgələrinə hücumlarını davam etdirəcək”.
Ciddədəki Aramco obyektində yanğın artmaqda davam etdikcə, Yəmən əməliyyatları qorxusu fonunda BƏƏ ordusunda təşviş və hazırlıq səviyyəsi artıb.
Yəmən qüvvələrinin Ciddədəki Aramco neft obyektinə hava hücumundan sonra yeni görüntülər yayıb.
Səudiyyə mediası, Ciddədəki Aramco neft emalı zavodunun canlı görüntülərini yayımlayaraq, obyektdə qara tüstünün geniş yayıldığını və bütün ərazini əhatə etdiyini bildirib.
Eyni zamanda bəzi mənbələr, Səudiyyə Ərəbistanının vəliəhd şahzadəsi Məhəmməd bin Salmanın, Səudiyyənin yüksək rütbəli hərbi komandirləri ilə görüşdüyünü bildirir.
Hərbi mənbələr həmçinin bildiriblər ki, mühasirə davam edərsə, Sənanın Səudiyyə Ərəbistanının çox həssas bölgələrinə qarşı hücumları qarşıdakı günlərdə də davam edəcək.
