Yəmən silahlı qüvvələri uğurlu əməliyyatla sionist rejimin Yaffadakı həyati hədəflərinə ballistik raketlər və PUA-larla hücum edib.
Az.rasthaber.com xəbər verir ki, Yəmən silahlı qüvvələrinin sözçüsü Yəhya Səri verdiyi açıqlamada, Yəmən silahlı qüvvələrinin uğurlu hərbi əməliyyatda "Fələstin 2" növlü ultrasəs ballistik raketindən istifadə edərək işğal olunmuş Yaffa bölgəsində sionist rejimin həyati mövqelərinə hücum etdiyini açıqlayıb. Bu əməliyyat Uca Allahın köməyi ilə hədəfinə çatdı.
Sərinin sözlərinə görə, həmçinin başqa bir əməliyyatda Yəmən Hərbi Hava Qüvvələri 4 PUA-dan istifadə edərək Yaffa bölgəsindəki digər mühüm mövqeləri hədəfə alıb və bu da tam uğur qazanıb.
Yəmən silahlı qüvvələrinin sözçüsü deyib: Yəmən silahlı qüvvələri Qəzza zolağında Fələstin müqavimətinin qəhrəmancasına əməliyyatlarını təbrik edərək, Qəzzanın işğalının sona çatmasına və blokadanın götürülməsinə qədər sionist rejimə qarşı hərbi əməliyyatların davam etdiriləcəyini vurğulayırlar.
