Ayətullah Xamenei Xanım Zeynəbin (ə) mövludu münasibətilə bir qrup tibb bacısı və COVID-19 ilə mübarizədə həyatını itirmiş şəhid tibb işçilərinin ailələri ilə görüşüb.

Rasthaber Azərbaycan xəbər verir ki, İslam İnqilabının Rəhbəri Ayətullah Xamenei Xanım Zeynəbin (ə) mövludu münasibətilə bir qrup tibb bacısı və COVID-19 ilə mübarizədə həyatını itirmiş şəhid tibb işçilərinin ailələri ilə görüşüb.

O görüş zamanı Həzrət Zeynəb Kübranın davranışı və sözlərini qadının əzəmətinin və mənəvi, intellektual və ruhi gücünün əlaməti və təzahürü kimi xarakterizə edib.

 Ayətullah Xamenei cəmiyyətin reallıqları, inqilab tarixi, müqəddəs müdafiə və son 42 ilin müxtəlif hadisələri haqqında həqiqətləri olduğu kimi nəql etmənin vacibliyini bir daha vurğulayaraq deyib: "Əgər bu edilməzsə, düşmən öz yalanlarını və təhrif olunmuş rəvayətlərini ictimaiyyətə çatdıracaq və zalım və məzlumun yerini dəyişdirməklə öz daimi düşmənçilik hərəkətlərinə haqq qazandırmağa çalışacaq".

İnqilab rəhbəri Həzrət Xanım Zeynəbin (s) mövludu və Tibb bacısı günü münasibəti ilə müalicə və sağlamlıq sahəsində fəaliyyət göstərən tibb bacıları və işçilərin hər birini təbrik edərək  "Kərbəlanın böyük xanımı keçmişdəki və hazırkı dardüşüncəli insanların, xüsusilə də imperialist qərblilərin qadınları alçaltmaq üçün bütün cəhdlərinə rəğmən, bütün bəşəriyyətə və tarixə sübut etdi ki, "qadın" nəhəng səbir okeanı, həmçinin müdrikliyin və tədbirliliyin zirvəsi ola bilər", -deyə əlavə edib.

Ayətullah Xamenei  "Rəvayət və bəyan etmə cihadı"nı Həzrət Zeynəbin hikmətinin və dərin müdrikliyinin başqa bir ölçüsü kimi qiymətləndirərək sözlərinə belə davam edib: "O, Kərbəla həqiqətlərini təsirli və qalıcı bir şəkildə nəql edərək, düşmənlərin reallığa qalib gəlməsinə imkan vermədi".

İslam İnqilabı Rəhbəri tibb bacılarının işinin ikiqat ilahi mükafata səbəb olduğunu bəyan edərək "Xəstə, xəstənin yaxınları və bütün insanlar üçün ruhi rahatlıq yaratmaq tibb bacısının digər mühüm dəyərlərindəndir və tibb bacılarının bütün xalqın boynunda haqqı var", -deyə qeyd edib.