Ukraynada təhsil alan 100 iranlı tələbə Polşa ərazisindən təxliyə edilərək Tehrana gətirilib.

Az.rasthaber.com AZƏRTAC-a istinadən xəbər verir ki, bu barədə İranın Mülki Aviasiya Təşkilatı məlumat yayıb. Bildirilib ki, İranın Ukraynadakı səfirliyinin köməyilə Kiyev və digər şəhərlərdəki iranlı tələbələr Polşaya göndərilib. Buradan isə “İran Air” şirkətinin xüsusi reysi ilə Tehrana gətiriliblər.

İranın Ukraynadakı səfirliyindən isə bildirilib ki, bu ölkədə qalan digər tələbə və iş adamları ilə də əlaqə saxlanılır. Yaxın günlərdə bir qrup iranlı yenə də Polşaya göndəriləcək. İranın Polşadakı səfirliyinin əməkdaşları isə təxliyə olunanları qarşılayıb Tehrana yola salacaq.