ABŞ Prezidenti Donald Tramp Senatdan İranla müharibə əleyhinə qətmanənin qəbul edilməməsini istəyib
ABŞ Prezidenti Donald Tramp Senatdan İranla müharibə əleyhinə qətnaməni qəbul etməməyi xahiş edib, onun fikrincə, "indi zəiflik göstərmək zamanı deyil".
Rasthaber Azərbaycan Sputnik-ə istinadən bildirir ki, bir müddət öncə demokratların üstünlük təşkil etdiyi Nümayəndələr Palatası Prezidentin İranla hərbi əməliyyatlar aparmaq səlahiyyətlərinin məhdudlaşdırılmasının lehinə səs verib. Bu sənədin qanuni qüvvəsi yoxdur. CNN bildirir ki, hazırda nəzərdən keçirilən qətnamə isə quruluşuna və məzmununa görə bir qədər fərqlənir. Beləliklə, sənədin bu variantı yenidən Nümayəndələr Palatasının təsdiqi üçün yönləndirilə bilər. Senatda səsvermənin cümə axşamı keçiriləcəyi bildirilir.
"Bizim ölkəmizin təhlükəsizliyi üçün ABŞ Senatının İrana qarşı hərbi səlahiyyətlərə dair qətnamə qəbul etməməsi vacibdir. İranla bağlı işlərimiz yaxşıdır və indi zəiflik göstərmək zamanı deyil", - deyə Tramp Twitter-də yazıb.
Onun sözlərinə görə, "amerikalıların çoxu terrorçu Süleymaniyə hücumu dəstəklədi". "Demokratlar bunu ancaq Respublikaçılar partiyasına mane olmaq üçün edirlər. Buna icazə verməyin", - Prezident əlavə edib.
It is very important for our Country’s SECURITY that the United States Senate not vote for the Iran War Powers Resolution. We are doing very well with Iran and this is not the time to show weakness. Americans overwhelmingly support our attack on terrorist Soleimani....
— Donald J. Trump (@realDonaldTrump) February 12, 2020
