İnqilab Keşikçiləri Hərbi Dəniz Qüvvələrinin komandanı admiral Əlirza Təngsiri İran İslam Respublikasının su sərhədləri üçün heç bir təhlükəli vəziyyətin olmadığını vurğulayıb.

Az.rasthaber.com xəbər verir ki, Əlirza Təngsiri İnqilab Keşikçiləri Ordusu Hərbi Dəniz Qüvvələrinin qəhrəmanlarının hazırlığını və döyüş qabiliyyətinə işarə edərək bildirib:

“İnqilabçı gənclərin, sadiq və qeyrətli qüvvələrin varlığı sayəsində mavi vətənimizdə düşmənlərdən əsər-əlamət qalmayıb".

İnqilab Keşikçiləri Hərbi Dəniz Qüvvələrinin komandanı bildirib ki, iran İslam Respublikasının su sərhədlərinin 12 mil uzaqlığında İnqilab Keşikçiləri Hərbi Dəniz Donanması yerləşir. 

O deyib:

"Ölkəmizin düşmənlərinin bütün hərəkətləri hər an izlənilir. Düşmənlər nə zaman su sərhədlərimizə doğru hərəkət etsələr, İran donanmasının vaxtında hərəkəti ilə geri çəkilməli olacaqlar".