İran İslam İnqilabının Rəhbəri Ayətullah Xamenei bu həftə Tehranda cümə namazını qılacaq.

Az.rasthaber.com xəbər verir ki, Ayətullah Xamenei cümə namazı xütbələrində Hizbullahın baş katibi Seyid Həsən Nəsrullahın şəhadətindən sonra bölgədə baş verənləri dəyərləndirəcək.

Dünən Ayətullah Xamenei İranın görkəmli gəncləri, elitaları və elmi istedadları ilə Tehranda İmam Xomeyni (r.ə) Hüseyniyyəsində bir araya gəlib və bildirib:

“Bu günlər biz yasdayıq, mən də yasdayam. Baş verənlər xırda hadisə deyil. Seyid Həsən Nəsrullahın itkisi kiçik bir hadisə deyil və bu, bizi çox kədərləndirdi. Əsl matəm içində olsaq da, bütün ölkədə matəm elan olunsa da, mən bu görüşü sonraya təxirə salmadım. Bu görüş əvvəlcədən planlaşdırılmışdı və mən məsələn, gələn həftəyə qədər təxirə sala bilərdim. Düşündüm ki, bu məsələni gecikdirmək olmaz. Elitaya istiqamətlənmənin gecikməməsi lazım olduğunu söylədik və bu görüşü keçirdik".

Bu məclisin bizə bir mesajı var və o mesaj belədir: “Yasda olsaq da, yasda olmaq depressiyaya düşüb, bir küncdə oturmaq demək deyil. Bizim əzadarlıq İmam Hüseyn əzadarlığı kimidir. O, canlıdır və onu yaşadır.".

Biz yas tuturuq, yas saxlayırıq, amma bu matəm bizi daha həvəslə irəliləməyə, inkişaf etməyə, işləməyə məcbur edir. Mən istəyirəm ki, bu mesaj həqiqətən bizim qəlbimizə nüfuz etsin. Hiss etməliyik ki, kədərimiz də bizi irəli aparmalıdır.

Təbii ki, mənim də Livan məsələlərinə, bu böyük və sevimli şəhidlə bağlı məsələlərə dair deyəcəklərim var və inşallah bu yaxınlarda bunlar haqqında da çıxış edəcəyəm.