İranın Təbriz şəhərində hərbi təyyarə qəzaya uğrayıb.

Az.rasthaber.com IRNA-ya istinadən xəbər verir ki, bu barədə Şərqi Azərbaycan əyalətinin rəsmisi Məhəmməd Baqir Hünərbər məlumat verib.

Bildirilib ki, təyyarə avtomobil və məktəb binasının divarına çırpılıb. Hadisə baş verən zaman məktəb boş olub.

F-5 qırıcısı həmin an qapalı olan məktəb və idman zalının yaxınlığına düşüb.

İnsident nəticəsində 3 nəfər həyatını itirib: 2 pilot və avtomobildə olan 1 nəfər.

Sözügedən qırıcı Təbrizdəki Şəhid Faquri bazasından havaya qalxmışdı.

Bazanın komandiri Reza Yusifi qeyd edib ki, pilotların öz həyatlarını xilas etmək imkanlı olub, lakin onlar qırıcını insanların olmadığı yerə yönəltməklə böyük faciənin qarşısını alıblar.

Təyyarə təlim uçuşu zamanı itib, pilot texniki problemlərə görə qırıcını zolağa endirə bilməyib.

Hazırda hadisə yerində xilasedicilər çalışır, araşdırma aparılır.