Taliban hökumətinin energetika və su nazirinin müavini Əbdüllətif Mənsur və İranın energetika naziri Əli Əkbər Mehrabian arasında telefon danışığı olub.

Az.rasthaber.com xəbər verir ki, Əfqanıstan mediasının məlumatına görə, Taliban hökumətinin enerji və su nazirinin müavini Əbdüllətif Mənsur İranın energetika naziri Əli Əkbər Mehrabianla telefonla danışıb.

Taliban Enerji və Su Nazirliyi tərəfindən verilən açıqlamada, bu görüşdə elektrik müqaviləsinin uzadılması və Herat vilayətinin elektrik problemlərinin həlli müzakirə edilib.

Telefon danışığı zamanı elektrik probleminin həlli üçün Əfqanıstandan İrana gedəcək nümayəndə heyəti məsələsi də gündəmə gətirilib.

Əbdüllətif Mənsurun İrandan elektrik müqaviləsinin uzadılmasını tələb etdiyi öyrənilib.