MBH sədri Tale Bağırzadənin 3 müavini əfv sərəncamına düşüb

Rasthaber xəbər verir ki,  Prezident İlham Əliyevin martın 18-də imzaladığı əfv Sərəncamı 625 məhbusa şamil olunub. Onlardan 475 nəfər cəzasının çəkilməmiş hissəsindən azad edilib, 98 nəfərin cəzasının çəkilməmiş hissəsi yarıyadək azaldılıb, ömürlük azadlıqdan məhrum etmə cəzasına məhkum edilmiş 3 nəfərin cəzası 25 il müddətə azadlıqdan məhrum etmə cəzası ilə əvəzlənib, azadlıqdan məhrumetmə cəzasına şərti olaraq məhkum edilmiş 2 nəfər cəzadan azad edilib, azadlıqdan məhrum etmə cəzasına məhkum edilmiş və cəzasının çəkilməsi təxirə salınmış 3 nəfər cəzadan azad edilib.

Əfv sərəncamı ilə azad olunanlar arasında MBH İdarə Heyətinin üzvü və sədrin müavinləri Nahid Qəhrəmanov, Ağəli Yəhyayev və Elxan İskəndərov da var.