Suriyanın BMT-dəki daimi nümayəndəsi Bessam Sabbaq, ABŞ-ın Suriya və bölgə ilə bağlı planlarını həyata keçirmək üçün terror təşkilatları və separatçı milisləri dəstəkləməyə və bir vasitə kimi istifadə etməyə davam etdiyini vurğuladı.

Az.rasthaber.com xəbər verir ki, Suriyanın rəsmi xəbər agentliyi SANA-nın məlumatına görə, Bessam Sabbaq Təhlükəsizlik Şurasının bu gün keçirilən iclasında deyib:

"İşğalçı İsrail rejimi Suriya ərazilərinə hücumlarını və işğal etdiyi Colanda xalqımıza qarşı cinayət və qətlləri davam etdirərək bölgədəki vəziyyəti gərginləşdirməyə davam edir. Suriya Təhlükəsizlik Şurasını susqunluğu pozmağa, işğal və təcavüz siyasətlərinə son qoymaq və günahkarları məsuliyyətə cəlb etmək üçün üzərinə düşən öhdəlikləri yerinə yetirməyə çağırır.".

Sabbaq həmçinin bildirib ki, Türkiyə qüvvələrinin Suriya ərazisində mövcudluğunu davam etdirməsi regionda sabitliyə mane olur.

Sabbaq çıxışında qeyd edib ki, Suriya xalqının iqtisadi həyat şəraiti yaxşılaşdırılmalı, Qərbin məcburi sanksiyaları dərhal aradan qaldırılmalı və xarici qüvvələrin Suriya ərazisində qeyri-qanuni mövcudluğuna son qoyulmalıdır.