Rasthaber Azərbaycan xəbər verir ki, "Al Masirah" telekanalının məlumatına görə, Yəmən ordusunun sözcüsü Yəhya Səri ordu və könüllülər tərəfindən  Səudiyyənin Hamis Muşayt bölgəsindəki Məlik Xalid hərbi hava bazasına PUA-larla hücum həyata keçirildiyini önə çəkib.

Ordu sözcüsü hücumun "Qəsif  2K" tipli PUA-larla həyata keçirildiyini bildirib.

Yəhya Səri hərbi hədəflərin tam dəqiqliklə vurulduğunu önə çəkərək, hücumların Yəmən xalqına qarşı hava hücumları və embarqolara cavab olaraq həyata keçirildiyini qeyd edib.

Xatırladaq ki, son aylarda bu hava bazası dəfələrlə Yəmən müqavimətinin hücumuna məruz qalıb.