Səudiyyə məhkəməsi Neom layihəsinə yer açmaq üçün zorla qovulan qəbilənin üç üzvünü ölüm cəzasına məhkum edib.
Az.rasthaber.com xəbər verir ki, Ərəbistanın vəliəhdi şahzadəsi Məhəmməd Bin Salman 2030-cu il perspektivi çərçivəsində 500 milyard dollarlıq NEOM nəhəng iqtisadi zona layihəsini 26,5 min kvadrat kilometr sahədə həyata keçirməyə çalışır.
Əl-Qist insan haqları təşkilatı bildirib ki, Səudiyyə Ərəbistanının Cinayət Məhkəməsi Şadli Əl-Hoveyti, Ətaullah Əl-Hoveyti və İbrahim Əl-Hoveyti haqqında ölüm hökmü çıxarıb. Bu üç nəfər daha əvvəl NEOM ayihəsinin həyata keçirilməsi üçün evlərini tərk etmək istəmədiklərini bildirmişdilər.
Bu üç nəfərin edam hökmü Əl-Hüveyti ailəsinin bəzi üzvlərinə həbs cəzası verildikdən bir ay sonra verilib. Onlardan bəziləri 50 il müddətinə azadlıqdan məhrum edilib.
