İsrail qüvvələri İordan çayının Qərb sahilində yerləşən Nablus şəhərində 16 yaşlı fələstinlini güllələyiblər.

Az.rasthaber.com xəbər verir ki, bu barədə Fələstinin Səhiyyə Nazirliyi məlumat verib

Qeyd edilib ki, Qeys Rəfiq baş nahiyyəsindən yaralanıb, həkimlər onun həyatını xilas edə bilməyiblər.

Fələstin Qızıl Aypara cəmiyyətindən bildirilib ki, İsrail qüvvələri ilə fələstinlilər arasında baş verən toqquşma nəticəsində 100 fələstinli xəsarət alıb - onlardan 2-si rezin güllə ilə yaralanıb, qalanları isə gözyaşardıcı qazın təsirindən xəsarət alıb.

Xatırladaq ki, bu günlərdə daha bir 17 yaşlı fələstinli də İsrail qüvvələri tərəfindən qətlə yetirilib.