Livan Hizbullah Hərəkatının Baş katibi Seyid Həsən Nəsrullahın Livana qurudan hücum ediləcəyi təqdirdə sionist rejimin əsgərləri şaquli (diri olmağı nəzərdə tutur) gəlib, üfüqi (ölümü nəzərdə tutur) qayıdacaqlarına aid sözlərinin emojisi sosial şəbəkələrdə trendə çevrilib.
Az.rasthaber.com xəbər verir ki, sosial şəbəkə istifadəçiləri Seyid Həsən Nəsrullahın bir əli şaquli, digəri üfüqi tutulmuş əllərinin şəklini paylaşaraq yazıblar: “Şaquli gəlirlər və üfüqi qayıdırlar.”
Seyid Həsən Nəsrullahın daha əvvəl əl hərəkəti ilə bəyan etdiyi bu ifadə o demək idi ki, sionist rejimin əsgərləri qurudan hücumla Livana daxil olmaq istəsələr, xərəkdə ölü və ya yaralı qayıdacaqlar.
“Şaquli gəlirlər və üfüqi qayıdırlar” ifadəsi son vaxtlar sionist rejim ordusu ilə Livan Hizbullah qüvvələri arasında toqquşmaların artmasının ardınca Livan ərazisinə hücum zamanı sionist rejim ordusunun ölən və yaralı əsgərlərinin elan edilməsindən sonra sosial şəbəkələrdə, xüsusən də Instagramda simvolik şəkillərlə (emoji) geniş şəkildə yayılıb.
Emoji əslində virtual mesajlarda və qlobal vebsaytlarda istifadə olunan konseptual şəkillər və ifadələrdir. Əslində, piktoqraf və ya şəkilli xətt deməkdir. Bunu emosiyaların, hisslərin və mesajların qrafik ifadəsi adlandırmaq olar.
