“Region dövlətlərinə sionistlərin Fars Körfəzində varlığı və addımları ilə bağlı xəbərdarlıq edirik.”

Az.rasthaber.comSalamNews-a istinadla xəbər verir ki, bunu İranın İslam İnqilabının Keşikçilər Ordusunun komandanı Hüseyn Səlami deyib.

Fars Körfəzində yerləşən “Əbu-Musa” adasında hərbi qüvvələrin hazırlıq vəziyyətini yaxından izləyən iranlı general burada çıxışı zamanı körfəzdə yerləşən və İsraillə münasibətlərini rəsmiləşdirən ərəb dövlətlərinə xəbərdarlıq edib.

İsrail hərbi rəsmilərinin bölgədə qəbul edilməsinə toxunan Hüseyn Səlami “İran tərəfindən region dövlətlərinə sionistlərin Fars Körfəzində varlığı və addımları ilə bağlı xəbərdarlıq edildiyini” deyib.

“Biz açıq-aşkar şəkildə elan və xəbərdarlıq edirik ki, bu növ əlaqələr əsla qəbul edilə bilməz. Onlar gərək bilsinlər ki, sionist rejimi istənilən yer üçün təhlükə amilidir”, deyə H.Səlami Fars Körfəzinin, Hörmüz boğazının və Oman dənizinin təhlükəsizliyinin zəruriliyini vurğulayıb.