Ruhani Trampın tarixdə necə qalacağını açıqladı

Ruhani Trampın tarixdə necə qalacağını açıqladı

İran İslam Respublikası prezidenti Həsən Ruhani Nazirlər Kabinetinin iclasında, iqtisadi mübarizədə İran xalqının müqavimətini yüksək dəyərləndirib.

Rasthaber Azərbaycan İran mediasına istinadən xəbər verir ki, Ruhani çıxışı zamanı deyib: "İran xalqının qələbəsi və bu iqtisadi müharibədə düşmənin qəti məğlubiyyətinin ən böyük təzahürlərindən biri Tramp dövrünün sona çatmasıdır".

Ruhani, ABŞ-ın hazırkı prezidentinin hakimiyyət dövrünün sona çatması və onun İran xalqına qarşı cinayətlərinə toxunaraq "Tramp tarixdə İran və Fələstin kimi müstəqil hökumətlər və millətlərə qarşı ən pis cinayətləri törədib", - deyə əlavə edib.

İran prezidenti, həmçinin Trampın beynəlxalq qurumlarda, hüquqi orqanlarda, əxlaq meyarlarında, dünya ictimaiyyətində və ABŞ-ın ictimai rəyində məğlub olmasını onun prezident seçkilərində nakam qalmasının amilləri kimi dəyərləndirib.

"ABŞ-ın növbəti hökuməti keçmişdəki səhvləri kompensasiya etmək üçün ABŞ-ın imicinə xələl gətirmiş bütün hərəkətlər qarşılığında böyük işlər görməlidir", deyə Ruhani vurğulayıb.

Ruhani sözlərinin davamında, İran İslam Respublikasının siyasəti olaraq, öhdəlik qarşısında öhdəlik və addım qarşısında addım prinsipinə toxunaraq deyib: "ABŞ-ın gələcək rəhbərlərində belə bir iradə olarsa, bəzi məsələlərin həlli çox asan olacaqdır".

Xəbəri paylaş

VİDEOLAR