İran Xarici İşlər Nazirliyinin mətbuat katibi deyib: “Bizim əsasımız və ölkənin hakimiyyət orqanlarından aldığımız göstərişlərə əsasən, həmçinin diplomatik strukturun inancı əsasında, Amerika tərəfi ilə yalnız nüvə məsələsi və sanksiyaların ləğvi ilə bağlı danışmağa qərarlı idik. Başqa sözlə, bizim Amerika ilə dolayı danışıqlara razı olmağımız əslində regional məsələlər, raketlər və s. ilə bağlı irəli sürülən iddialardan uzaqlaşmadır.”

Birbaşa danışıqlar haqqında şayiələrə cavab olaraq Bəqai deyib: “Bu şayiələr doğru deyil. Ümumiyyətlə, belə bir müzakirə olmayıb.”

İranın Xarici İşlər Nazirliyinin mətbuat katibi danışıqların yeni raundunun yerini də açıqlayıb: “Danışıqların Omanda və ya başqa yerdə aparılacağını müzakirə edirik, lakin Oman hələ də bu vasitəçi rolunu oynayacaq. Harada olur-olsun, Oman nümayəndə heyətlərinin yeri və mesajların necə mübadiləsi ilə bağlı tənzimləmələrə cavabdeh olacaq. Önəmli olan budur ki, danışıqların formatı Omanın vasitəçiliyi ilə bu dolayı yolla davam edəcək.”