Soyqırım törədən İsrail ordusunun 2023-cü il oktyabrın 7-dən etibarən Qəzza zolağında həyata keçirdiyi hücumlarda şəhid olanların sayı son 24 saatda 38 nəfər artaraq 52 min 653-ə çatıb.

Az.rasthaber.com xəbər verir ki, Qəzzada Fələstin Səhiyyə Nazirliyi tərəfindən verilən açıqlamada sionist İsrailin Qəzzada davam edən hücumlarında ölən və yaralananlarla bağlı son məlumatlar paylaşılıb.

Son 24 saatda Qəzzada 38 şəhid və 145 yaralının xəstəxanalara çatdırıldığı bildirilib.

Yanvarın 19-da razılaşdırılmış atəşkəsi pozduqdan sonra 18 martdan bu yana Qəzzada soyqırım törədən İsrail ordusunun həyata keçirdiyi hücumlarda 2545 fələstinlinin şəhid olduğu, 6856 nəfərin isə yaralandığı açıqlanıb.
2023-cü il oktyabrın 7-dən bu yana soyqırımçı İsrailin Qəzza zolağında həyata keçirdiyi hücumlarda şəhidlərin sayının 52 min 653-ə, yaralı sayının isə 118 min 897-yə yüksəldiyi bildirilib.

Qəzza zolağında dağıntılar altında hələ də minlərlə şəhidin olduğu bildirilir.