Qəzzada Səhiyyə Nazirliyinin verdiyi yazılı açıqlamada İsrailin hücumları nəticəsində son 24 saatda 163 nəfərin həyatını itirdiyi, 305 nəfərin isə yaralandığı bildirilib.

Az.rasthaber.org xəbər verir ki, açıqlamada, hücumların törətdiyi dağıntılara görə hələ də çox sayda insanın dağıntılar altında qaldığı, mülki müdafiə və təcili tibbi yardım qruplarının onlara çatmaqda çətinlik çəkdiyi qeyd edilib.

Qeyd olunub ki, İsrailin Qəzza zolağına 2023-cü il oktyabrın 7-də başlayan hücumlarında həlak olan fələstinlilərin sayı 24 min 448, yaralıların sayı isə 61 min 504-ə çatıb.

Digər tərəfdən, İsrail ordusu Qəzza zolağının cənubundakı Xan Yunus şəhərində Nasser xəstəxanasının ətrafını gecə boyu intensiv şəkildə bombalamağa davam edib.